نكت تماموزززززز

[color=brown][i][b]
مره راجل خلف ولد جابله كوره بنج بونج حمره. دخل المدرسه جابله كوره بنج بونج حمره. دخل الجامعه جابله كوره بنج بونج حمره. خلص جامعه جابله كوره بنج بونج حمره. اتجوز جابله كوره بنج بونج حمره. خلف ولد جابله كوره بنج بونج حمره. المهم ابوه تعب شويه وابنه راحله بيسأله يا بابا ايه حكايه الكوره البنج بونج الحمره؟؟ ابوه قالله ..... اء ومات



مرة واحد مخنوق. فا صاحبه بيساله مالك؟ قاله شيبسى فى حالى. صحابه قاله ليز؟ قاله ابويا كرنشى من البيت. قاله ياعم قلبظ دماغك



مرة واحد اتقبض عليه والظابط سأله:اسمك ايه؟ رد: انا يا بية؟ رد الظابط: لا انا. قاله محمد يا بيه. سأله الظابط: عندك كام سنة؟ رد انا يا بية؟ قاله: لا انا. رد: انت بتاع اتنين وتلاتين



مرة واحد مسطول قاعد فوق السطح فاطلعلوه واحد بيقوله يا سيد افندى الحق امك و ابوك و مراتك و عيالك ماتوا. راحت فرت من عنيه الدمعة و قال هاعيش لمين و قرر انه هيرمى نفسه من فوف السطح. فرمى نفسه و جه عند الدور التالت. و قال لنفسه ايه ده انا ابويا و امى ميتين من زمان. و جه عند الدور التانى و قال لنفسه ايه ده انا مش متجوز اساسا. و جه عند الدور الاول و قال لنفسه ايه ده دا انا لالالالالالالالا دا انا مااسميش سيد اصلا



واحد صعيدى كون مليون جنيه فقال لازم اسافر بلاد بره. المهم راح مسافر وهوا هناك فضل يلف على اللوكندات ملقيش حجز خالص فلقى جنينه فنام فيها وهوا نايم جه حرامى راح واخد شنطة الفلوس وحلقلو قرعه. فالمهم صحى الصعيدى مش لاقى شنطة الفلوس هيتجنن فحط ايدو على راسو وقال: ابه لع مش انا



مرة واحد رايح يشترى فول قالة الراجل بتاع المطعم الفول بقا غالى. قاله والله منا واكل فول راح لبتاع العيش قالة العيش بقا غالى قاله والله منا واكل عيش راح لمراتة حزين قالها سخنى لى ميا عشان استحما وراح نام بعد شوية مراتة راحت تقول له قوم الميا غليت قالها حتى الميا غليت طب والله منا مستحمى



عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟



مرة واحد اشترى خروف قبل شهرين من العيد وكان بياكل معاه و يستحم معاه ويعمل معاه كل حاجة. ويوم العيد الناس كلها دبحت خرفنها الا هو ما لقاش الخروف دور عليه فلقاه عند السطوح بعيط قلو مالك بتعيط فقالو الخروف: الناس كلها اشترت خروف الى احنا



اتنين صعايده راكبين عربيه خبطو واحد. اللى سايق قال للى جنبو انزل شوف اللى خبطناه ده مات ولا لسه. نزل حط ايده على قلبه لقى فى نبض وقف قدام العربيه وقال للى سايق: تعالى تعالى تعالى. بس كده مات



مرة اثنين حشاشين قاعدين عند المقابر واحد بص شاف جنازة معدية قالوا جنازة مين يا محمد قالوا جنازة الشيخ محروس. تانى يوم جنازة تانية معدية قالوا جنازة مين يامحمد قالوا جنازة الشيخ محروس. ثالث يوم نفس الجنازة قالوا جنازة مين يامحمد قالوا ياعم جنازة الشيخ محروس. قالوا هى الدنيا ملطشة معاه كده ليه؟



مرة واحد بيتاجر فى البانجو. جه عنده اتنين حشاشين قالولو ملقيش عندك الصنف الى بيقولوا علية بيطير الدماغ. قال التاجر معنديش الصنف ده. دا هتلقية عند الجزار. راحو للجزار قالولو معندكش صنف يطير الدماغ. قالهم عندى طبعا. السكينة. عايز رقبة ولا رجول



فشار قوى بيقول انة مرة وهو فى البحر فتح فم قرش وطلع منة جوهرة. الناس قالتلوا ازاى تفتح فم القرش دا كان اكلك. قالهم اصل القرش كان شبعان. قلولو برضوا ازاى؟؟ واحد بقى شافوا قالوا يافشار دا انا شوفتك وهما مطلعينك غرقان من البحر قالهم شوفتوا يعنى انا مش فشار



مرة محامى خنفس دخل للقاضى. .هاى يا قاضى.. شوفت ميمى وهو بيقتل.؟ القاضى قالة لا... الخنفس:كوبة. يللا ياميمى



واحد صعيدى دخل حديقة الحيوانات و دخل راسة فى قفص الاسد. الحارس جرى علية قالو انت بتعمل اية؟ قال ايه يا بوى؟ يعنى هاكله



نزل قرار فى البلد بمنع الصعايده من السفر. طب يعملوا ايه علشان يعرفوا الصعايده. قالك احنا نجيب جردل ونسأل كل واحد ده ايه؟ الصعيدى هيقول على الجردل دردل. واحد صعيدى عرف قالك انا اركز واحفظ الكلمه صح. المهم الصعيدى ده راح المطار. بتاع الجوازت بيقولوا ايه ده يا بلدينا؟ قاله جردل. قاله مظبووط ادينى اسمك قاله محمد دومعه "محمد جمعه"



واحد عبيط قال لصاحبه العبيط لما تتجوز هتتجوز ست حلوه. فقال له الست الحلوه عمله زي كرة القدم. 22 راجل بيجرو وراها .فقال له طيب اتجوز ست وحشه .فقاله الست الوحشه عمله زي كرة التنس .كل راجل يرميها للتاني



كان فى مرة طالب فاشل دخل الامتحان ميعرفش حاجة فى الامتحان وكان حظة لما جتت الاسئلة صح وغلط. طلع بريزة من جيبة وقعد يقول اللى تطلع كتابة يبقى صح فخلص بعد نصف ساعة لقى زمايلة لسة مخلصوش. راح طلع البريزة تانى علشان يراجع



مره واحد سباك سجل على الانسرماشين: ارجو تسجيل اسمك وعنوانك بعد سماع صوت السيفون



مرة عيل صغير ابوة وامة معودينه على انهم لما يكونو بره وعايز يعمل حمام يقول انا عايز اصفَر. وفى مرة خرج مع جده وكان الولد عايز يعمل ببى. قال لجدة يا جدو انا عايز اصفَر قالة صفَر فى ودنى يا حبيبى بس براحة

نكت 2


جحا كان فى السوق حماره ضاع قعد يقول للناس لو مجبتوش حمارى هعمل زى ابويا لما ملقاش الحمار. سألوه ابوك عمل اه قالهم اشترى واحد تانى



مره واحده نكديه كانت كل يوم بتنكد على جوزها. جه جوزها فى يوم قالها نخلى النكد يوم واحد فى الاسبوع قالتله ماشى قلها يوم الاربع قالته طيب. جه يوم التلات بليل لاقاها عماله ترقص بيقلها فى ايه؟ قالتله بكرة النكد بكره. بكره النكد بكره



مره واحد بلدياتنا سافر امريكا فراح يحجز فى فندق فراح مالقاش غرف فاضيه راح نام فى الحديقه العامه. فطلع عليه ثلاثة حراميه سرقوا كل اللى معاه وحلقولوا شعره قم صحى من النوم بيحط ايده فى جيبه مالقاش الفلوس. قم قعد يعط وبيحط ايده على دماغه بيبص اتلقى نفسه اقرع قال الحمد لله مش انا



مره اثنين حرميه دخلو بيت علشان يسرقوه فدخل صاحب البيت ومراته على غفلة. الحرامي الاول استخبا فى المطبخ والثانى وراء التلفزيون فقال صاحب البيت لمراته عايز اكل سمك، روحى اعملى السمك وانا هتفرج على مباراة الاهلى والزمالك. فراحت تعمل السمك فكل لما تقلي سمكة وتحطها فى الطبق وتعمل غيرها، تبص للطبق فتلاقيه فاضى. قامت صرخت، جه جوزها بسرعة وقالها بتصرخى ليه؟ قالت له كلما اقلى سمكة واسيبها فى الطبق واروح وارجع ملاقيهاش. فقال لها جوزها امال انا اعمل ايه؟ كلما الزمالك يجيب جون يطلع واحد من الجمهور يبوسنى ويدخل تانى



مرة ثلاث شباب راحو امريكا وبعد كام شهر ابو واحد فيه مات فحبو يبلغوا فطلع واحد منهم وقال انا حبلغو فراح وقال: انت شفت ابوك امتى اخر مرة قال الولد:من شهرين رد علية قالو:ادى دقني لو شفتو مرة تانية



المحافظ كان ماشي في الشارع فا لقى زحمة شديدة وطوابير. فسأل اللي معاه عن ده. قالوله ان الزحمة دي على فرن عيش. فقال:ياهوووووو....همه ولاد الكلب دول لسسسسه معاهم فلوس يشتروا بيها عيش ؟



اب بيقول لبنته انا مبسوط منك اوي. فقالت ليه يا بابا؟ قال علشان انتي كل يوم بتتكلمي في التليفون بالساعه والساعتين ما عادا النهارده اتكلمتي نص ساعه بس. قعدت تضحك فقالها بتضحكى على ايه؟ قالت علشان النمره غلط



في مرة أغبياء عايزين يفجروا عمارة حطوا القنابل في الدور الأول و طلعوا يستنوا فوق السطوح



في سجن للمجانين قام الدكاترة بيجربو المجانين فادولهم المراية فا كل واحد منهم يكسرها والتاني يلعب بيها إلا مجنون واحد. قعد يتأمل فيها فسأله الدكاترة عن السبب فقال: أظن إني شفت الوش ده في يوم



مره واحد بيسال واحد معاك جنيه؟ قاله بص روح موقف الاتوبيسات هتلاقي 6اتوبيسات واقفين. اركب اول اتوبيس هتنزل هتلاقي مترو اركب المترو انزل تالت محطه هتلاقي 4 ميكروباصات اركب اول ميكروباص انزل هتلاقي 3شوارع ادخل في الشارع الاول هتلاقي 8عمارات ادخل في العماره الرابعه هتلاقي 6ادوار اطلع الدور الخامس هتلاقي 4شقق ادخل الشقه الاولي هتلاقي 3اوض ادخل الاوضه التانيه هتلاقي دولاب فيه 4درف افتح الدرفه الاولي هتلاقي مصحف. هاته علشان احلفلك اني معييش



واحدة عندها 3 بنات حبت تختبر اجوازهم بيحبوها ولا لأ. خدت الاول وراحت ع البحر ونزلت وغرقت نفسها قام الاول انقذها تاني يوم جاتله عربيه جيب مكتوب عليها هديه من حماتك. خدت الثاني وعملت معه نفس الموضوع برده انقذها تاني يوم جاتله هعربيه جيب مكتوب عليها هديه من حماتك. جابت الثالث وعملت معاه نفس الموضوع فسابها تغرق تاني يوم جاتله عربيه مرسيدس مكتوب عليها هديه من حماك



مره واحد صعيدى واقف بيدهن الحيطه قالولوا حط جرنان تحتك. قاللهم لا انا كده طايل



قرد ودانه مقطوعة بص فى المرايا و قال: يا خسارة الحلو مايكملش



كان هتقوم حرب فالقائد بيقول التعليمات فقال الجيش الي هنحاربه حوالي اربع اضعافنا يعني لو كل واحد قتل اربعة تقريبا هنفوز وقامت الحرب وفي وسط الحرب لقي القائد الصعيدي قاعد مش بيحارب فقالو قوم حارب يا عسكري قالوا جتلت الاربعة بتوعي



كان فيه بنت مشاغبه جدا في المدرسه راح الاستاذ وداها للناظر فالناظر بيقولها انت عملتي ايه؟ قالتلو انا بس رميت ورده من الشباك قالها بس كده؟ خلاص روحي على صفك بعد شويه جت بنت متكسره ومتعوره الناظر بيقولها انت مين قالتلو انا ورده اللي اترميت من الشباك



صعيدى شاف فى الجرايد حادثه. واحد فى امريكا قتل مراته ودفنها تحت السرير والبوليس الأمريكى لم يكتشف ذلك الا بعد 25 سنه قام قال لنفسه يبقى انا لو عملت كده البوليس عندنا مش حيكتشف ابداً. راح فعلاً قاتل مراته وحفر تحت السرير وحطها مفيش ربع ساعه والبوليس قبض عليه فتعجب قوى وسأل الظابط انتم ازاى كشفتم الجريمه بسرعه قوى كده ده فى امريكا ماكتشفوهاش الا بعد 25 سنه؟ رد عليه الظابط اصل فى امريكا الراجل كان ساكن فى الدور الأرضى وأنت ساكن فى الدور الخامس



color]