نكت كراااااااااااااااايزى

مرة ست عجوزة تاهت في غابة طلع لها اسد قالت له ارجوك ماتكلنيش قال لها اطمني ياحاجة ماباكلش نواشف

صعيدى راكب طيارة هليكوبتر لقى الجو ساقع قفل المروحة

واحد مخنوق من نفسه اوى ودبانه عماله تلف حواليه. راح ماسكها وقطع جناحتها وقالها قضيها مشى بقه

ميكانيكى بيسألوه مين مطربك المفضل؟ صاحبنا رد قال هامر دياب ودوج وسوف ومازدا الرومى وتاكسى عجرم

مره طيار معاه مجانين عاملين دوشه فقال للمساعد بتاعه روح سكتهم. بعد شويه مسمعلهمش صوت فقال للمساعد عملت فيهم ايه؟ قاله فتحتلهم الباب يلعبوا بره

مرة واحد صعيدى اشترى بطيخة وروح وهوا مروح طالع على السلم لقا واحد نازل اقرع قالو: فال الله ولا فالك

مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل. فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كلو يروح

مرة قرد وقف ادام المرايا وبص لنفسه لقى ان ودنه مقطوعة راح قايل ياخسارة الحلو ميكملش

مرة تلاتة عايزين ياكلوا ومش معاهم فلوس دخلوا مطعم وطلبوا الاكل وبعد كدة جة الجرسون ومعاة شيك الحساب وراح على اول واحد وقالو الحساب رد وقالو منا اديتك الفلوس قالو لا انا ماختش حاجة رد الجرسون وقالو طب نسال زميلك التانى هو ادانى فلوس قالو اة لما انا كنت بحاسبك قالو لا انتو شكلكو نصابين. طب انا هاسال زميلكم التالت شكلو محترم وقالو هو انا خت الحساب من زمايلك؟ قالو سيبك من دة كلو، وادينى الباقى

الحمار راح للاسد وقاله غيرلى اسمى علشان الحيوانات بتقولى يا حمار فالاسد سماه سمكه راح الحمار مشى فرحان راح القرد طلعله قاله ازيك يا حمار, الحمار قالو ما تقليش يا حمار. الاسد سمانى سمكه
القرد: بتعرف تعوم يا سمكه؟
الحمار: لأ
القرد: تبقى حمار

مرة مذيعة قابلت شاب فى الشارع فسالتو سؤال فجاوب فقالتو تحب تشوف ايه؟ فكر الشاب شوية وقالها امى الله يرحمها قالتلة لا ديه صعبة, اطلب طلب تانى فقال: احب اشوف الأهلي بيفوز مرة من غير حكام. قالتله لاء. انا اجبلك مامتك اسهل

اتنين مساطيل بيحششوا فوق السطح وجنبهم ديك لما صحا الديك الصبح ادن وقال: كوكايين كوكايين

مرة واحد سكران قابل واحد سودانى لابس جلابية بيضا قال: انا اول مرة اشوف تلاجه موتورها فوق

مرة 4 دخلوا يحيو فرح راح الاول نقط بخمسة جنيه وضرب طلقة في الجو. راح التاني منقط بعشرة جنية وضرب طلقتين في الجو. راح التالت منقط بعشرين وضرب ثلاثة طلقات في الجو. جه صعيدي وحب يعمل مجاملة نقط بمائة جنيه ورمي قنبلة علي الفرح

مرة واحد راح يحلق دقنة عند مجنون وهو ميعرفش انه مجنون. راح المجنون قالة عايز ودنك دى؟ افتكرة بيهزر وقالة لا راح قطعها ورماها فى الشارع. راح قالة عايز التانية؟ قالة ايوة راح قطعها وادهالو

مرة ديك وفرخة ماشيين جمب محل شاورما قام الديك قال للفرخة شوفتى جزاء الى مبتسمعش كلام جوزها

مره صعيدي خلف سبع عيال راح غير اسمه وخلاه سفن اب

مرة واحد اهبل خاطب واحده بيقولها لما ازمر لك تنزلى قالت له ليه انت جبت عربيه ؟؟ قال لها : لا جبت زماره

ندل بيوصي عياله يكونوا في الحياة أندل منه، تعب وهو في غرفة الإنعاش جت روحه تطلع وعاوز يودعهم قام واحد من عياله قفل بقه

مرة طيارة طايرة فى الجو وبعدين شويه كده والطيارة قعدت تتهز تتهز والطيار قال ياجماعه الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش. قام الامريكى وفتح الباب وقال امريكا رمز الحريه ورمى نفسه. قام بعده الفرنساوى وقال فرنسا رمز التضحيه ورمى نفسه. قام الصعيدى بعدهم وفتح الباب وقال مصر رمز الفهلوة وراح رامى المضيفه

بيقولك مره واحد بلع دبانه راح للدكتور كتبله علي علبه فليت

واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا المرايا قالت: أنت هريدي من الصعيد و عندك طيارة كمان نص ساعة. الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة.
الصعيدي راح لبس خليجي و راح تاني وقف قدام المرايا المرايا قالتله, ايوة انت هريدي من الصعيد، خليك قاعد تستهبل كده لحد ما الطيارة تروح عليك

نكت 5

مره واحد صعيدى كان اول مره يشوف عربيه فسال واحد بتمشى ازاى؟ فرد وقال بالبنزين فالراجل خد الحمار بتاعة وراح البنزينه وقال للعامل بتاع البنزينه يحط فى بطن الحمار اتنين لتز بنزين فالرجل رفض. ولكن الصعيدى صمم فالراجل جط البنزين فى بطن الحمار فبدأت بطن الحمار توجعو. فجرى الحمار فقال الصعيدى ممكن تحطلى اتنين لتر علشان الحقه

محشش جاب ولد بعد سبع بنات راح سماه بدري

انجليزى و فرنساوى و يابانى واقفين على جبل بيعملوا اختبار صدى صوت فالانجليزى قال هاللو رد عليه الصدى هاللووووو
الفرنساوى قال بونجور .. رد عليه الصدى بونجوووور
اليبانى قال شيهنجها .. رد عليه الصدى قالو .. اييييه ؟

ندل يبكي في جنازة سألوه تعرفه ؟ قال: لا بس سمعت ان البكاء بيعذب الميت

مرة كان فى واحد صعيدى وفرنساوى وايطالى داخلين فى مسابقة ان الى يقعد مع جاموسة معفنة من غير مايقول اف هاياخد مليون جنية. دخل الفرنساوى نص يوم وقال اف والايطالى كمان يوم وقال اف. دخل الصعيدى قعد عشر ايام طلعت الجاموسة هى وقالت اف

مرة واحد ذهب على دكان ( بقالة ) قال لصاحب الدكان عندك سكر قال نعم فى عندي سكر. قاله الله يشفيك منه